“Artıq Ermənistanda məktəb və universitetlərdə narkotiklər paylanılır. Hətta narkotiki ordu sıralarında da yaydıqları barədə məlumatlar var”. 

Missiya.Az “Hraparak” nəşrinə istinadən xəbər verir ki, bunu Stenford Universitetinin elmlər doktoru Artur Xaçikyan bir müddət əvvəl “Ermənistanda narkomaniya” mövzusunda çıxış edərkən deyib.

“Narkomaniya ən çox 16-17 yaşlı uşaqlar arasında yayılır ki, bu da çox böyük fəlakətdir. Bilirəm ki, hər halda bütün bunlarla bağlı hüquq-mühafizə orqanları tərəfindən müəyyən tədbirlərə başlanılıb. Lakin bu aksiyalar daha çox intensiv şəkildə aparılmalıdır”, - deyə Xaçikyan vurğulayıb.

O, qeyd edib ki, bu erməni millətinin sonu ilə nəticələnə biləcək bir fəlakətdir:

“Bu, sadəcə olaraq gənclərimizi məhv edə bilər. Onlar sözün əsl mənasında camaatı narkotiklə məşğul edirlər”, - deyə Xaçikyan bildirib.

Daşqın Həsənov
Missiya.Az