“Dünya mediasında Azərbaycanın mövqeyini müdafiə edən əcnəbi politoloq və ya ekspertlərdə də Azərbaycana maraq artırılmalıdır. Xaricdəki soydaşlarımız belə insanların tapılması və əməkdaşlıq çərçivəsində iş aparılmasını özlərinin fəaliyyət planlarına aid edə bilərlər”. 

Bunu Missiya.Az-a açıqlamasında Diaspor Fəaliyyətinə Jurnalistlərin Dəstəyi İctimai Birliyinin sədri Fuad Hüseynzadə son zamanlar rməni lobbisinin böhtan xarakterli kampaniyasına münasibət bildirərkən deyib. 

Təşkilat sədri əlavə edib ki, biz, Diaspor Fəaliyyətinə Jurnalistlərin Dəstəyi İctimai Birliyi olaraq bu istiqamətlərdə də işimizi aparırıq: “Bundan sonra daha da aktiv şəkildə istər xaricdəki gənclərimizin fəallığı, istərsə də Azərbaycanın əcnəbi dostlarının artması yolunda fəaliyyətimizi davam etdirəcəyik.  

Ayrıca Diaspor Fəaliyyətinə Jurnalistlərin Dəstəyi İctimai Birliyinin nəzdində Rəqəmsal Media Mərkəzi fəaliyyət göstərir. Birliyin Rəqəmsal Media Mərkəzi müxtəlif ölkələrin media qurumları ilə çoxşaxəli əməkdaşlıq edir”. 

Əli İbrahimli
Missiya.Az