Taekvondo üzrə Rusiya milli komandası bu il Bakıda keçiriləcək dünya çempionatında iştirak edə bilər.
Missiya.Az xəbər verir ki, bu barədə yığmanın baş məşqçisi Vadim İvanov "Match TV"yə açıqlama verib.
O bildirib ki, Rusiya və Belarus idmançılarının beynəlxalq yarışlardakı çıxışına qoyulan qadağanın apreldə aradan qaldırılması nəzərdə tutulub: "Hazırlıq planlarımızı beynəlxalq təqvim əsasında qurmuşuq. Bu ilin ilk əsas yarışı mayın 29-da Bakıda başlayacaq dünya çempionatıdır və biz buna hazırlaşırıq. Təəssüf ki, bunadək sınaq yarışları keçirməyə vaxtımız olmayacaq".
Qeyd edək ki, dünya çempionatı 29 may - 6 iyunda təşkil olunacaq.