Gecənin ortasında və ya səhər tezdən qəfil oyanmaq ciddi sağlamlıq problemlərindən xəbər verə bilər.

Missiya.Az xəbər verir ki, bunu yuxu mütəxəssisi Lisa Artis "Daily Mirror"a gecə qəfil oyanmanın təhlükələrindən danışan zaman deyib.

O yuxunun kəsilməsini qalxanabənzər vəzi xəstəliyinin ümumi simptomu adlandırıb. Həkim həmin orqanın maddələr mübadiləsini, ürək döyüntüsünü, bədən istiliyini, enerji səviyyələrini tənzimləməyə yardımçı olan və dolayı yolla yuxuya təsir gösətərən T4 (tiroksin) və T3 (triiodotironin) hormonlarını istehsal etdiyini vurğulayıb.

Artis qeyd edib ki, sözügedən hormonların istehsalının artması hipertiroidizmlə baş verir.

Mütəxəssis artıq tiroid hormonlarının maddələr mübadiləsini sürətləndirdiyini və sinir sistemini stimullaşdırdığını, narahatlığa, ürək döyüntüsünün artmasına və nəticədə yuxunun pozulmasına səbəb olduğunu əlavə edib.

Zərintac Mayisqızı
Missiya.Az