Fransa Prezidenti Emmanuel Makron hesab edir ki, Fələstin dövlətinin tanınması Yaxın Şərqdə sülhə nail olmağın yeganə yoludur. 

Missiya.Az APA-ya istinadən xəbər verir ki, bu barədə Makron Böyük Britaniya parlamentində çıxışı zamanı bildirib. 

“Biz Fələstin dövlətini tanımaq üçün birgə çalışırıq. Bu siyasi qərarın qəbulu sülhə aparan yeganə yoldur”, – Fransa lideri vurğulayıb. 

Onun sözlərinə görə, Qəzza zolağında atəşkəsin əldə olunması vacibdir. 

“Strateji məqsədi olmayan sonsuz müharibə həm region, həm də qlobal təhlükəsizlik üçün ciddi təhdid yaradır”, – Makron əlavə edib.