Rəsmi dövlət qəzetləri “Respublika” və “Xalq qəzeti” redaksiyaları birləşdirilir. 

Missiya.Az-a adıçəkilən qəzetlərdən birinin əməkdaşının verdiyi məlumata görə, birləşdirilmə prosesi artıq yekunlaşmaq üzrədir. 

Mənbənin sözlərinə görə, bir müddətdir ki, əməkdaşların bir hissəsi buraxılıb və onlara əvvəlcədən bir neçə ayın məvacibi ödənilib. 

Məlumata görə, proses sentyabr ayına qədər yekunlaşdırılacaq. “Burada məqsəd “Respublika” qəzetinin “Xalq qəzeti”nə” birləşdirilməsidir. Yəni sentyabrdan etibarən “Respublika “ qəzeti olmayacaq. Bu qəzet artıq faktiki olaraq fəaliyyətini dayandırıb. Onun əmədaşlarının 50 faizi ixtisara salınıb. Qalan əməkdaşlar fəaliyyətini yeni komplekləşdiriləcək “Xalq qəzeti”ndə davam etdirəcək”,- deyə mənbə bildirib. 

Qeyd edək ki, rəsmi qəzetlərin birləşdirilməsi informasiya yayımının daha effektiv və müasir tələblərə uyğun təşkili məqsədilə həyata keçirilir. 

Elcan
Missiya.Az