“Biz Ermənistan-Türkiyə münasibətlərini Ermənistan-Azərbaycan münasibətləri kontekstində qurmağa çalışırıq”.

Missiya.Az erməni mediasına istinadən xəbər verir ki, bunu Ermənistan parlamentinin  dövlət və hüquq məsələləri daimi komissiyasının sədri, hakim “Mülki müqavilə” partiyasından olan deputat Vladimir Vardanyan iyunun 20-də ənənəvi brifinqdə Ermənistanın baş naziri Nikol Paşinyanın Türkiyəyə səfərini şərh edərkən deyib.

Onun sözlərinə görə, Ermənistan nəzərə almalıdır ki, İrəvanla Ankara arasında münasibətlər böyük əhəmiyyət kəsb edir.

"Biz coğrafiyanı dəyişə bilmərik və buna görə də qonşularımızla mehriban qonşuluq münasibətləri qurmalıyıq. Bu da öz növbəsində bizə dəyişən dünyamızda regionda uzunmüddətli və sabit sülhün bərqərar olmasına imkan verəcək” - Vardanyan bildirib.

Xatırladaq ki, Ermənistanın baş naziri Nikol Paşinyan bu gün Türkiyəyə işgüzar səfərə gedib.

Elcan

Missiya.Az