“İran İsraillə münaqişəni diplomatik yollarla həll etməyə hazırdır, lakin özünümüdafiə məqsədilə İsrailə zərbələr endirməyə davam edəcək”.

Missiya.Az xəbər verir ki, bu barədə İranın xarici işlər naziri Abbas Əraqçi özünün “X” sosial media hesabında paylaşım edib.

"İran özünümüdafiə hüququndan qürur və cəsarətlə istifadə etməyə davam edəcək və biz təcavüzkarı peşman edəcək və etdiyi ağır səhvin əvəzini ödədəcəyik", - deyə siyasətçi vurğulayıb.

Eyni zamanda o, Tehranın diplomatiyaya sadiq qaldığını bildirib və əlavə edib ki, əvvəlki kimi biz də gələcəyə ciddi baxırıq. 

Əraqçı İsrailin Baş naziri Benyamin Netanyahunu diplomatiyanı məhv etmək üçün bu müharibəyə başlamaqda ittiham edib və dünyanı İsrailin münaqişəni genişləndirməyə çalışdığı barədə xəbərdarlıq edib.

O qeyd edib ki, İran indiyədək yalnız İsrailə hücum etməklə kifayətlənib, baxmayaraq ki, Tehran Tel-Əvivə yardım edən ölkələrdən xəbərdardır.

Daşqın Həsənov
Missiya.Az