Ermənistandakı kilsələrin əksəriyyəti tikinti tullantıları ilə dolu anbar kimi istifadə olunur.

Missiya.Az xəbər verir ki, bu barədə ölkənin Baş naziri Nikol Paşinyan dini binaların zibillənməsindən şikayətlənib.

Çıxışından bir fraqment onun "Telegram" kanalında dərc olunub. Siyasətçinin sözlərinə görə, insanlar kilsələrdə bütün lazımsız şeyləri - əlavə mərmər plitələr, sement kisələri, paslanmış armatur parçaları saxlayırlar.

"İnsan niyə kilsəyə gedir? Ruhani bir şeylə əlaqə saxlamaq üçün içəri girir. Birdən içəri girib görürsən ki, bir yerdə zibil səpələnib, haradasa kiminsə paltarı, ayaqqabısı var, kimsə çarpayısını qoyub", - o qeyd edib.

Paşinyan vurğulayıb ki, həmin problemi həll etmək, kilsə binalarının vəziyyətini qiymətləndirmək üçün standartlar tətbiq etmək lazımdır.

Zərintac Mayisqızı
Missiya.Az