Türkiyə Xarici işlər naziri Hakan Fidan Moskvada rusiyalı həmkarı Sergey Lavrov ilə görüşüb.

Missiya.Az xəbər verir ki, bu barədə "TRT Haber" məlumat yayıb.

Görüş zamanı rusiyalı nazir qeyd edib ki, biz Türkiyənin Ukrayna tərəfi ilə birbaşa danışıqlar imkanlarını bərpa etməsini yüksək qiymətləndiririk.

Hakan Fidan isə Türkiyə-Rusiya münasibətlərinə toxunaraq bunları qeyd edib: 

"Liderlərimizin çəkdiyi yolda öz məqsədlərinə çataraq münasibətlərimiz çox sağlam şəkildə inkişaf edir. Gündəmin çox sürətlə dəyişdiyi coğrafiyamızda Türkiyə ilə Rusiya arasında köklü əlaqələr bölgəmizdə sabitliyin və təhlükəsizliyin təmin olunmasında mühüm rol oynayır. Rusiyanın Ukrayna ilə birbaşa danışıqlar üçün İstanbula üstünlük verməsi ölkələrimizin sabitliyi bərqərar etmək məqsədinin ortaq olmasının təzahürüdür". 

Hakan Fidan həmçinin Lavrovla görüşündə iki ölkə arasındakı çoxölçülü əlaqələrin bütün mövzularına toxunacaqlarını, enerji, iqtisadiyyat və regional məsələləri, xüsusilə də Yaxın Şərq və Afrikanı müzakirə edəcəklərini bildirib.

Nurlana Əhmədova
Missiya.Az