Ümid edirəm ki, ölkəmizin media sahəsində ən böyük qeyri-hökumət təşkilatı olan Türkiyə Media Federasiyası (TBF) cəmiyyətimiz üçün faydalı olacaq.

Missiya.Az xəbər verir ki, bunu Türkiyə Prezidenti Rəcəb Tayyib Ərdoğan prezidentlik iqamətgahında  "10-cu Anadolu Media Mükafatları" proqramında deyib.

"Mükafatlarını təqdim edəcəyimiz hər bir qurumumuzu və mətbuat mənsublarımızı təbrik etmək istəyirəm. Burada yanınızda olmasalar da gecə-gündüz çalışan, qələmini, sözünü xalqın xidmətinə qoyan bütün media mənsublarına minnətdarlığımı bildirirəm. Son mərasimimizdən bəri bir çox mətbuat işçisi xidmət başında coğrafiyamızın müxtəlif guşələrində, xüsusilə də Qəzzada həyatını itiriblər. İsrailin Qəzzaya vəhşicəsinə hücumları nəticəsində 212 jurnalist şəhid olub. Bütün dünyanın ölkəmizdəki müxalifətin şikayət orqanı kimi gördüyü fələstinli jurnalistlər xarici mətbuat təşkilatlarının gözü qarşısında vəhşicəsinə qətlə yetirilməkdə davam edir. Hər biri haqqın müdafiəçisi olan bu qardaşları rəhmətlə yad edir, həmkarlarına, ailələrinə başsağlığı verirəm", - Türkiyə lideri əlavə edib.

Zərintac Mayisqızı
Missiya.Az