Ötən gün Parisdə görüşən ABŞ rəsmiləri yaxın bir neçə həftə ərzində Ukraynanın Rusiya ilə müharibəsində tam atəşkəsə nail olmaq istədiklərini açıqlayıblar.

Missiya.Az xəbər verir ki, bu barədə “Bloomberg” agentliyi mənbələrə istinadən məlumat yayıb.

Bildirilib ki, ABŞ rəsmiləri tezliklə əhəmiyyətli irəliləyiş gözlədiklərini bildirdilər və ötən günü keçirilən görüşdə iştirakçılar bu məqsədə doğru işləməyə razılıq verdilər.

“Paris görüşü Avropanın danışıqların nəticələrinə təsir etmək üçün son cəhdi oldu və avropalılar Kiyevlə birlikdə ABŞ-nin müharibəyə son qoymaq səylərini tam dəstəkləyirlər və Rusiya atəşkəs danışıqlarında öz niyyətlərinin ciddiliyini sübut etməlidir”, - deyə vurğulanıb.

Yelisey Sarayından verilən məlumata görə, bu görüşdən sonra Almaniya, Fransa, ABŞ və Böyük Britaniyadan olan milli təhlükəsizlik müşavirləri və müzakirəçiləri gələn həftə müzakirələrini davam etdirmək üçün Londonda yenidən görüşəcəklər.

Daşqın Həsənov
Missiya.Az