İsrail Fələstinin Həmas hərəkatının Qəzza zolağının əhalisi üzərində nəzarətini sarsıtmaq məqsədilə Qəzza zolağına humanitar yardım axınını dayandırıb.

Missiya.Az xəbər verir ki, bunu İsrailin müdafiə naziri İsrael Katz deyib.

Onun sözlərinə görə, İsrail Müdafiə Qüvvələrinin (İDF) komandanlığı siyasi eşalonun dəstəyi ilə Qəzza zolağında aydın və birmənalı siyasət yürüdür.

"İlk növbədə, "Whitkoff" planındakı bütün girovların azad edilməsi və HƏMAS-ın son məğlubiyyətinə zəmin yaradılması üçün hər cür səy göstərilməlidir. Həmas-ın əhali üzərində nəzarətini sarsıdan humanitar yardımın dayandırılması və gələcəkdə onun mülki təşkilatlar vasitəsilə paylanması üçün infrastrukturun yaradılması", - bəyanatda qeyd edilib.

Nazir vurğulayıb ki, bu günə qədər Qəzza zolağında yüz minlərlə sakin döyüş bölgələrindən təxliyə olunub və Zolaq ərazisinin "on faizləri" İsrailin təhlükəsizlik zonasına daxil edilib. Eyni zamanda, Katz əlavə edib ki, qəzzalıların könüllü olaraq başqa ölkələrə köçürülməsi planı irəliləyir.

Zərintac Mayisqızı
Missiya.Az