Türkiyənin ana müxalifət partiyası Cümhuriyyət Xalq Partiyası (CHP) prezident Rəcəb Tayyib Ərdoğanın əsas rəqibi  kimi təqdim olunan İstanbul meri Əkrəm İmamoğlunun həbsindən qəzəblənib.

Missiya.Az xarici mkediaya istinadən xəbər verir ki, bu barədə “Reuters” xəbər yayımlayıb.

Adıçəkilən siyasi qüvvə İmamoğlunun həbsini “növbəti prezidentimizə qarşı çevriliş” adlandırıb.

CHP lideri Özgür Özəl müxalifəti birliyə çağırıb və partiyasının nə olursa olsun bazar günü prezidentliyə namizədi olaraq İmamoğlunu dəstəkləyəcəyini bildirib.

“Türkiyədə növbəti prezidentə qarşı çevriliş yaşanır. Biz dövlət çevrilişinə cəhdlə üz-üzəyik”, - deyə o bildirib.

Hakimiyyətin müvəqqəti olaraq etiraz aksiyalarına qadağa qoymasına və polisin İstanbulda bəzi küçələri bağlamasına baxmayaraq, İmamoğlunun aparıldığı polis idarəsi qarşısında toplaşan 100-ə yaxın insan “AKP-nin (hakim Ədalət və İnkişaf Partiyası) hesab verəcəyi gün gələcək” şüarları səsləndirib.

İmamoğlu korrupsiya ittihamı ilə saxlanılıb. Həbsindən əvvəl İstanbul Universiteti İmamoğlunun diplomunu ləğv edib.

Elcan
Missiya.Az