Cənubi Kipr Respublikası Ermənistan və Azərbaycan arasında sülh prosesində əldə edilən irəliləyişi alqışlayıb və sazişin yekun mətninin tez bir zamanda imzalanmasını dəstəklədiyini bildirib.

Missiya.Az xəbər verir ki, bu barədə Cənubi Kipr Respublikası “X” sosial media hesabında paylaşım edib.

“Cənubi Kipr Respublikası Ermənistan və Azərbaycan arasında sülh prosesində əldə edilən irəliləyişi alqışlayır və sazişin yekun mətninin tezliklə imzalanmasını dəstəkləyir. Bu inkişaf regionda sabitlik və rifahın əldə edilməsi istiqamətində həlledici addım olacaq”, - deyə vurğulanıb.

Qeyd edək ki, artıq bir çox ölkələr Ermənistan və Azərbaycan arasında sülh sazişinin mətni ilə bağlı razılaşmanı alqışlayıb və onun yaxın gələcəkdə imzalanacağına ümid etdiyini bildirib.

Daşqın Həsənov
Missiya.Az