“Ukraynada müharibəyə son qoymaq üçün razılaşma hələ çox uzaqdadır.

Missiya.Az xəbər verir ki, bu barədə Ukrayna Prezidenti Volodimir Zelenski Londonda jurnalistlərə müsahibəsi zamanı məlumat verib.

Onun sözlərinə görə, hələlik heç kim belə addımlar atmayıb.

"Bu gün biz ilk addımlardan danışırıq və buna görə də, onlar kağız üzərində olana qədər, mən onlar haqqında çox təfərrüatlı danışmaq istəməzdim. Müharibənin başa çatması ilə bağlı razılaşma hələ çox-çox uzaqdır", - deyə siyasətçi vurğulayıb.

Zelenski qeyd edib ki, gələcəkdə nəzərdə tutacağımız sülh ədalətli və ən əsası davamlı olmalıdır.

O əlavə edib ki, bu gün biz heç bir güzəştdən danışmırıq, çünki bu, yanlış söhbət olardı. 

Zelenski vurğulayıb ki, tərəfdaşlardan və ABŞ-dən biz siqnalları eşidirik, lakin hamı başa düşməlidir ki, Ukrayna Rusiya tərəfindən işğal edilmiş heç bir ərazini heç vaxt Rusiya əraziləri kimi tanımayacaq.

Daşqın Həsənov
Missiya.Az