“Rusiya rəhbərliyində kadr dəyişikliyinə baxmayaraq, əsas mövqelər dəyişməz olaraq qalır. Rusiya Təhlükəsizlik Şurasının katibi Sergey Şoyqunun rolu əhəmiyyətli dərəcədə azalıb, Rusiya Prezidentinin köməkçisi Nikolay Patruşev isə nüfuzunu saxlamaqda davam edir”.

Missiya.Az “Ukrinform"a istinadən xəbər verir ki, bu sözləri Ukrayna Müdafiə Nazirliyinin Baş Kəşfiyyat İdarəsinin rəisi Kirill Budanov deyib.

"Rusiya elitasında heç nə dəyişməyib. Yeganə şey odur ki, Şoyqunun rolu xeyli aşağı düşüb. Eyni zamanda, Patruşevin mövqeyi demək olar ki, dəyişməz qalıb", - deyə o vurğulayıb.

Onun sözlərinə görə, Rusiya Federasiyası Təhlükəsizlik Şurasının katibi vəzifəsi Rusiya hökumətində əsas olaraq qalır, lakin Şoyqunun onun qərarlarına təsiri məhduddur. 

"Şoyqu Patruşev ola bilmədi. Şoyqu hətta müavinlərini belə təyin edə bilməz. O, normal işləyir, ancaq bürokratik və təşkilati məsələlərlə məşğul olan texnokrat kimi", - deyə Budanov bildirib.

Daşqın Həsənov
Missiya.Az