“Azərbaycan Uşaqları” İctimai Birliyinin nəzdində fəaliyyət göstərən Uşaq Sığınacağı Reinteqrasiya Mərkəzinin uşaqları üçün bədən ritm alətləri istifadə etmədən ritmləri ifa etmək sənətinə məxsus musiqi ritm terapiyası dərslərinə başlanılıb. 

Missiya.Az xəbər verir ki, bu barədə AUİB-nin mətbuat katibi Rüfət Zəkizadə bildirib.

Dərslər AUİB-nin əməkdaşı olan və bu sahədə ixtisaslaşmış mütəxəssis Elnurə Qurbanova tərəfindən psixoloqun müşayəti ilə həyata keçirilir.

Qeyd edəki ki "Body Percussiya" - bədən perkussiyası deyilən bu sahə uşaqların musiqi və ritmik qabiliyyətlərini inkişaf etdirmək üçün güclü vasitədir. Həmin növ terapiya musiqi dərsinin strukturuna daxil edilməsi bir tərəfdən müxtəlif ritmik düsturları mənimsəməyə imkan verir, digər tərəfdən bütün bunlar hərəkətdə baş verir və bədən koordinasiyasının inkişafına kömək edir.Öz bədənindən istifadə edərək ritm və musiqi yaratmağa əsaslanan reabilitasiya hərəkətidir. Qollar,ayaqlar,barmaqlar-heyrətamiz səs mənzərələri yaradan alətə çevrilir.