Fransa Müdafiə Tədarükü Agentliyi (DGA) dəniz təhlükəsizliyini artırmaq məqsədilə 24 yeni nəsil sahil patrul katerinin alınması üçün tender prosesinə başlayıb.

Missiya.Az xarici KİV-ə istinadən xəbər verir ki, fevralın 13-də dərc edilmiş tender elanına əsasən, bu yeni qayıqlar mövcud “Élorn” dərəcəli patrul gəmilərini əvəz edəcək.

Fransa Dəniz Jandarması 2000-ci illərin əvvəllərində istehsal edilmiş 24 “Élorn” tipli sahil patrul gəmisindən istifadə edirdi. Lakin dekabr ayında Mayotta adasını vuran Çido qasırğası səbəbindən “Verdon” (P602) və “Odet” (P611) adlı iki qayıq yararsız hala düşüb. Bu hadisə yenilənmə prosesinin sürətlənməsinə səbəb olub. Hazırkı qayıqların uzunluğu 19 metr, tam yüklü halda çəkisi 41 tondur və saatda 25 düyün sürətə çata bilir. 7,62 mm-lik pulemyot, su şırnağı və “Furuni” radarı ilə təchiz edilmiş bu qayıqlar 8 ekipaj üzvü tərəfindən idarə olunur və 400 dəniz mili mənzilə malikdir.

Zərintac Mayisqızı
Missiya.Az