“Fransa müdafiə büdcəsini ikiqat artırmaq niyyətindədir”.

Missiya.Az xəbər verir ki, bu barədə Fransa Prezidenti Emmanuel Makron Avropa İttifaqı (Aİ ) liderlərinin Brüsseldə qeyri-rəsmi görüşü başlamazdan əvvəl məlumat verib.

"Hazırda Ukraynada baş verənlər, həmçinin amerikalıların etdiyi seçim və ABŞ Prezidenti Donald Trampın yeni administrasiyasının bəyanatları avropalıları kollektiv təhlükəsizlik problemlərinə cavab verməkdə fəal olmağa sövq edir", - deyə siyasətçi vurğulayıb.

Onun sözlərinə görə, Avropa hazırda öz gələcəyini strukturlaşdırmaq üçün son dərəcə vacib məqamı yaşayır, ona görə də qərar qəbul etmək və fəaliyyət planı qəbul etmək lazımdır.

“Biz hesab edirik ki, bu strateji gündəm və sərhədlərimizin təhlükəsizliyi prioritetdir. Ticarət məsələlərində bizə hücum edilərsə, Avropa öz mövqeyində dayanan bir güc olaraq özünə hörmət etməyə və buna uyğun cavab verməyə məcbur olacaq. Deməli, bu, fəaliyyət planıdır”, - deyə Fransa Prezidenti bildirib.

Makron həmçinin Fransanın müdafiə büdcəsini ikiqat artırmaq niyyətində olduğunu və eyni zamanda bəziləri üçün birgə Avropa maliyyəsi tələb edən böyük layihələrə start verəcəyini qeyd edib:

“Bu, daha çox dövlət və özəl maliyyələşdirməni əhatə edir. Biz Avropa İnvestisiya Bankının maliyyələşdirilməsi üsulunu dəyişdirməliyik, daha çox müdafiə səylərini maliyyələşdirməyə və Avropanın satınalmalarına üstünlük verməyə məcbur edəcək sadələşdirmə elementlərini tətbiq etməliyik”, - deyə siyasətçi əlavə edib.

Daşqın Həsənov
Missiya.Az