“Ukrayna bu il müharibəni bitirmək üçün əlindən gələni edir. Müharibəyə son qoymaq Rusiyanın deyil, Ukrayna və onun tərəfdaşlarının ümumi məqsədidir”.

Missiya.Az “RBC-Ukrayna”ya istinadən xəbər verir ki, bu sözləri Ukrayna prezidenti Volodimir Zelenski Ramşteyin formatında görüşdə çıxışı zamanı deyib.

"Mən bu il Ukrayna və bütün Avropa üçün müharibəni ləyaqətlə bitirmək üçün əlimdən gələni edirəm. Bilirəm ki, sizin dəstəyinizə arxalana bilərəm. Hamımız yadda saxlamalıyıq ki, müharibəni bitirmək bizim ümumi məqsədimizdir. Ukraynalılar, avropalılar, amerikalılar və bir çox qlobal tərəfdaşlarımızın istədiyi budur”, - deyə siyasətçi vurğulayıb.

Zelenski qeyd edib ki, Yaponiya, Səudiyyə Ərəbistanı və Argentina kimi ölkələr də Ukraynada sülh arzulayır. 

Onun sözlərinə görə, Rusiya ilə Şimali Koreya arasında əməkdaşlıq Rusiya prezidenti Vladimir Putinin zəifliyini nümayiş etdirir.

Daşqın Həsənov
Missiya.Az