Şəkər xəstəliyi olaraq da bilinən şəkərli diabetdən qorunmaq üçün sağlam qidalanma rejimi böyük rol oynayır. Əks təqdirdə  problemlər yarana bilir. Elə qida məhsulları var ki, onlar diabetə qarşı daha çox effektivdir.

Missiya.Az onları təqdim edir:

Yoğurt - Zülal və kalsium mənbəyi sayılan bu məhsulu gündə 2-3 porsiya istehlak edərək qan şəkərinin səviyyəsini tarazlaşdırmaq və orqanizmi şəkər xəstəliyindən qorumaq olar. Yağsız yoğurt bu kontekstdə xüsusilə təsirlidir;

Sarıkök - İçərisində kurkumin adlı aktiv maddə var. Həmin aktiv maddə insulin müqavimətini azaldır. Eyni zamanda ürək-damar sağlamlığına da müsbət təsir göstərir. Sarıkökü yeməklərə, çaylara əlavə edə bilərsiniz;

Armud - Şirin teksturasına görə qan şəkərini yüksəldirmiş kimi görünsə də, armud aşağı glisemik indeksə malikdir. Nahar vaxtı süd, yoğurt, qatıq kimi zülal qaynaqları ilə birlikdə istehlak etmək qan şəkərini tarazlaşdırmağa və növbəti yeməyə qədər sizi tox tutmağa yardımçı olur;

Balıq: İçərisində sağlam yağ turşuları mövcuddur. Balıqda bədənimiz tərəfindən istehsal oluna bilməyən EPA və DHA yağ turşuları var. Bu yağ turşuları pis xolesterol səviyyəsini azaldır və ürək-damar damarlarını qoruyur.

Zərintac Mayisqızı
Missiya.Az