Fələstinin HƏMAS yaraqlı qrupu ilə İsrail dövləti arasında ittihamlar mübadiləsi aparılıb.

Missiya.Az xarici KİV-ə istinadən xəbər verir ki, buna səbəb son günlər irəliləyişlərə baxmayaraq, atəşkəs razılaşmasının əldə edilməməsi olub.

HƏMAS İsrailin əlavə şərtlər irəli sürdüyünü, İsrailin baş naziri Binyamin Netanyahu isə qrupu artıq əldə olunmuş razılaşmalardan uzaqlaşmaqda ittiham edib: "Qoşunların çıxarılması, atəşkəs, məhbuslar və köçkünlərin geri qaytarılması ilə bağlı yeni şərtlər irəli sürülüb və bu, əldə olunan razılaşmanı gecikdirib". Onlar həmçinin əlavə ediblər ki, çeviklik nümayiş etdirirlər və Qətər və Misirin vasitəçiliyi ilə aparılan danışıqlar ciddidir. Buna cavab olaraq Netanyahu açıqlamasında deyib: "HƏMAS terror təşkilatı yalan danışmağa davam edir, artıq əldə edilmiş razılaşmalardan imtina edir və danışıqlarda çətinliklər yaratmağa davam edir".

Həmçinin, o əlavə edib ki, İsrail girovların qaytarılması üçün yorulmaz səylərini davam etdirəcək.

Zərintac Mayisqızı
Missiya.Az