ABŞ Ukraynaya Britaniyanın “Storm Shadow” raketlərindən Rusiya Federasiyasının dərinliklərinə zərbə endirmək üçün istifadəyə yaşıl işıq yandırıb. Rəsmi olaraq Böyük Britaniya hələ ki məhdudiyyətlərin götürülməsini təsdiqləməyib.

Missiya.Az xəbər verir ki, bu barədə “The Times” məlumat yayıb.

Bildirilir ki, Böyük Britaniyanın baş naziri Keir Starmer Ukraynaya təhvil verilən “Storm Shadow” raketləri ilə Rusiyaya zərbə endirmək icazəsi ilə bağlı şərh verməkdən yayınır və siyasətçi əməliyyat detallarına girməyəcəyini söyləyib.

“The Times” yüksək səviyyəli hökumət mənbələrinə istinadən Starmerin ritorikasının qəsdən olduğunu bildirib və amerikalıların “Storm Shadows”dan istifadəsinə qarşı əvvəllər edilən etirazların artıq qaldırıldığına işarə edib.

Eyni zamanda Starmerin müttəfiqləri hesab edirlər ki, “Storm Shadow” raketləri Ukraynada döyüş meydanında vəziyyəti dəyişməyəcək.

Daşqın Həsənov
Missiya.Az