Rusiyanın xarici işlər naziri Sergey Lavrov Volodimir Zelenskinin “Qələbə planı”nı şizofreniya adlandırıb. 

Missiya.Az xəbər verir ki, bu barədə Rusiya diplomatik departamentinin rəhbəri Avrasiya təhlükəsizliyi üzrə II Minsk Beynəlxalq Konfransının plenar iclasında bildirib. 

Bu planın sülhü yaxınlaşdırmadığını qeyd edən Lavrov deyib ki, Ukrayna parlamenti bu yaxınlarda kanonik Ukrayna Pravoslav Kilsəsini qadağan edib. Lakin Qərb BMT Nizamnaməsinin irqindən, cinsindən, dilindən və dinindən asılı olmayaraq insan hüquqlarına hörmət edilməsini tələb edən 1-ci maddəsinin kobud şəkildə pozulmasına göz yumur.

Rusiyanın təslim olmasına çağıran Zelenskinin axmaq planı “sülh formulu”nu dalana dirənməyə davam edir. Bir neçə həftə əvvəl bu şəxs eyni dərəcədə şizofrenik bir "Qələbə planı" açıqlayıb. Təbii ki, Kiyevin nəzarətində olan Ukraynanın nə düstur, nə plan, nə NATO-ya, nə də Avropa İttifaqına üzvlüyü ilə bağlı fantaziyalar Avropaya sülh gətirməyəcək”, - deyə nazir qeyd edib.

 Lavrovun sözlərinə görə, Avrasiya qitəsinin bu hissəsində sabitlik yalnız “təhlükəsizlik sahəsində uzunmüddətli, etibarlı təminatlar” təmin olunarsa əldə olunacaq. 

Leyla SƏMƏNDƏR
Missiya.Az