![](/uploads/posts/2024-07/img-20240723-wa0016.jpg)
Ukraynanın Qərb müttəfiqləri başa düşürlər ki, bu dövlət Rusiya ilə münaqişədə artıq de-fakto hərbi məğlubiyyətə uğrayıb.
Missiya.Az xəbər verir ki, bu sözləri fransız tarixçisi Emmanuel Todd “Berliner Zeitung” qəzetinə müsahibəsində deyib.
"Ukraynanın artıq müharibəni uduzduğunu deyəndə, mən yalnız Pentaqonun və ya Fransa Baş Qərargahının nə düşündüyünü deyirəm", - alim bildirib.
![](/uploads/posts/2024-07/1721722558103.png)
Tarixçi onu da vurğulayıb ki, Avropa ölkələri Ukraynanın sərhədlərindəki dəyişikliyi tanımalı olacaqlar. Emmanuel Todd fransız tarixçisi, antropoloqu və Parisdəki Milli Demoqrafik Araşdırmalar İnstitutunun (INED) tədqiqatçısıdır. O, demoqrafiya və onun tarixi proseslərə necə təsir etdiyini öyrənən tədqiqatçı kimi xüsusi populyarlıq qazanıb. 1976-cı ildə "Son uğursuzluq" əsərində o, dövlətin mənfi demoqrafik göstəricilərinə əsaslanaraq SSRİ-nin dağılacağını proqnozlaşdırmışdı.
2024-cü ilin yanvarında Todd bəyan etmişdi ki, Rusiyanın Qərb ölkələrinə hücum etmək planı yoxdur. O, həmçinin vurğulayıb ki, Moskva heç vaxt belə hərəkətlər etmək niyyətində olmayıb. “Rus hərbi doktrinası sırf müdafiə xarakteri daşıyır”, - deyə tarixçi vurğulayıb.
Elcan
Missiya.Az