Türkiyəli məşhur aktrisa, "Bahar" serialının baş rol ifaçısı Demet Evqarla bağlı qalmaqallı iddia yayılıb.

Missiya.Az xəbər verir ki, aktrisanın çəkilişlər əsnasında xaus yaratdığı, işçilərin üzərinə qışqırıb, söyüş söydüyü deyilib.

"Aramızda kalmasın" proqramının məlumatında Evqar bir müddət əvvəl çəkiliş meydançasında ona səhnənin müddəti ilə bağlı sual verən rejissor köməkçisinə səsini qaldıraraq təhqiramiz ifadələr işlətdiyi bildirilib.

Köməkçi vəziyyəti serialın rejissoru Neslihan Yeşilyurta çatdırıb. Rejissor komandasından birinə heç kimin heç bir halda hörmətsizlik edə bilməyəcəyini deyərək çəkiliş meydançasını tərk edib. Rejissor Demetin üzr istəməyincə çəkiliş meydançasına qayıtmayacaqlarını söyləyib. Bunun ardından aktrisanın ağladığı, üzr istəyərək vəziyyəti düzəltməyə çalışdığı iddia olunub.

Hadisələrin fevraldan bəri davam etdiyi öz əksini tapıb. Problemlər arasında aktrisanın zaman-zaman rejissoru dinləməməsi və kostyum komandasını çətin vəziyyətə salması da yer alıb. Məsələ ilə bağlı nə Demet, nə də yayım şirkəti açıqlama yayıb.

Zərintac Mayisqızı
Missiya.Az