“Münaqişələrdən və terror təşkilatlarının zülmündən qaçan 4 milyona yaxın qaçqını qəbul edirik. Türkiyənin hər hansı hadisəni uzaqdan izləmək və ya görməməzlikdən gəlmək lüksü yoxdur”. 

Missiya.Az “Trt-Haber”ə istinadən xəbər verir ki, bunu Antalya Diplomatik Forumunda çıxış edən Türkiyə prezidenti Rəcəb Tayyib Ərdoğan deyib.

O qeyd edib ki, doğru bildiyimizi cəsarətlə söyləmək həm öz xalqımız, həm də bütün bəşəriyyət qarşısında borcumuzdur: 

“Bəziləri üçün ağrılı və ya narahatedici olsa da, həqiqəti dilə gətirməyə davam edəcəyik. İnanıram ki, forum zamanı irəli sürülən ideyalar mübarizəmizə töhfə verəcək”.

“Qarşılaşdığımız geosiyasi riskləri idarə etmək üçün əvvəlkindən daha fəal, çoxşaxəli, diqqətli və sakit siyasət yürüdürük”,-deyə Ərdoğan bildirib.

Leyla SƏMƏNDƏR
Missiya.Az