Xəbər verdiyimiz kimi, Bakının Xətai rayonunda bir ailənin üç üzvü qətlə yetirilib. Fevralın 13-də saat 16:30 radələrində paytaxtın Xətai rayonunda 1972-ci il təvəllüdlü Mehman Əhməd oğlu Əhmədovun, 1977-ci il təvəllüdlü Pikə Bədəl qız Əhmədovanın və 2015-ci il təvəllüdlü Məhəmməd Mehman oğlu Əhmədovun kəsici alətlə qətlə yetirilməsi barədə polisə məlumat daxil olub. Ailə üzvlərini qətlə yetirməkdə şübhəli bilinən ailənin oğul övladı 1999-cu il təvəllüdlü Əhməd Mehman oğlu Əhmədov polis əməkdaşları tərəfindən saxlanılıb.

Qeyd edək ki,öldürülən Pikə Bədəlova Xətai rayonu 59 saylı orta məktəbin direktoru olub.

Həmin məktəbin informatika müəllimi Gülnar İsmiyeva Missiya.Az -a açıqlamasında bildirib ki, "xəbəri eşidən zaman çox məyus oldum. Pikə Əhmədova həm direktor kimi, həm də insani xüsusiyyətlərinə görə məktəb kollektivi arasında həmişə hörmət qazanıb. Ailədaxili münaqişələrə gəldikdə isə bu barədə məlumatı yoxdur”.

Missiya.Az olaraq qətl hadisəsini diqqətdə saxlayacaq, təfərrüatları ilə bağlı məlumatlarımızı ictimaiyyətə çatdıracağıq.

Zərintac Mayisqızı
Missiya.Az