Qarabağdakı separatçılar Azərbaycan tərəfinə müraciət edib.

Missiya.Az xəbər verir ki, bu barədə Ermənistan KİV-i məlumat yayıb.

Məlumata görə, onlar hərbi əməliyyatların dayandırılmasını və danışıqlara başlamağı təklif ediblər.

Əlbəttə, separatçıların bu müraciətinin heç bir mənası yoxdur. Çünki Bakı onları heç vaxt tərəf kimi qəbul etməyib, bundan sonra da etməyəcək. Əslində Azərbaycan bu günə qədər dəfələrlə Qarabağın erməni icmasının nümayəndələri ilə görüş keçirilməsini təklif edib. Lakin separatçılar bu təklifdən imtina edərək, təxribatçı davranışlarını davam etdirdilər. Bu isə nəticədə hazırda davam edən antiterror əməliyyatının başlanmasına səbəb oldu. Bundan sonra Bakının separatçıları tərəf kimi qəbul edib onlarla danışıqlar masasına oturacağını gözləmək sadəlövlükdən başqa birşey deyil. Separatçıların yalnız bir xilas yolu var – Qarabağdakı qondarma rejimi buraxmaq və Azərbaycanın konstitusion quruluşunun bərpa olunması istiqamətində atılan addımlara tabe olmaq.

Daşqın Həsənov
Missiya.Az