Avropa İttifaqı Komissiyasının sözçülərindən Peter Stano Türkiyə prezidenti Rəcəb Tayyib Ərdoğan və rusiyalı həmkarı Vladimir Putinin görüşü və Qara Dəniz Taxıl Təşəbbüsü ilə bağlı Aİ-nin gözləntiləri ilə bağlı sualı cavablandırıb.

Missiya.Az xarici mediaya istinadən xəbər verir ki, o, Aİ-nın Rusiyadan iyulun 17-də geri çəkildiyi razılaşmaya qayıtmasını və Ukrayna taxılının dünya bazarlarına çıxarılmasına mane olan hücumları dayandırmasını gözlədiyini ifadə edib.

Peter Stano qeydedib ki, Rusiya Ukrayna taxılının dünya bazarlarına çıxarılması üçün ən münasib marşrutu bağlayır. Bu, qəbuledilməzdir:

"Rusiya hazırda liman infrastrukturlarına, taxılın Ukraynadan çıxması üçün alternativ yollara hücum edir. Bu, Rusiyanın hərəkətlərinin çirkin tərəfini göstərir. Bunun qarşısını almaqla kifayətlənmir, həm də qazanır.Çünki onlar bir tərəfdən qlobal qiymətləri qaldırır və öz ixracatını artırır və külli miqdarda gəlir əldə edirlər. Aİ-nin Rusiyanın ixracına mane olması barədə bəyanatlar dezinformasiyadır, manipulyasiya və yalandır”,-deyə o əlavə edib.

Leyla SƏMƏNDƏR

Missiya.Az