Missiya.Az Trend-ə istinadən məlumatına görə, bunu Türkiyənin xarici işlər naziri Hakan Fidan rusiyalı həmkarı Sergey Lavrovla birlikdə jurnalistlərə verdiyi açıqlamada bildirib.

O, taxıl sazişinin Qara dənizin sabitliyi üçün çox əhəmiyyətli olduğuna diqqət çəkib.

“Qara dəniz taxıl sazişini canlandırmaq gündəmimizin əsas hissəsini təşkil edir",- deyə nazir vurğulayıb.

Müqavilənin yenidən qüvvəyə minməsi üçün Birləşmiş Millətlər Təşkilatının da (BMT) səy göstərdiyinə diqqət çəkən nazir Ankaranın BMT ilə sıx təmasda olduğunu bildirib.

"Əvvəlki prosesdə yaşanan problemlərin bu dövrdə təkrarlanmaması üçün nə edə biləcəyimizlə bağlı işlər aparırıq və bu mərhələdə Rusiyanın mövqeyini və tələblərini də anlamağa çalışırıq", - deyə Fidan əlavə edib.