Ukrayna prezidenti Volodimir Zelenski dünən güclü zəlzələdən zərər çəkən Türkiyəyə humanitar yardım göndərilməsi barədə fərman verib.
Missiya.Az “
RBC-Ukrayna”ya istinadən xəbər verir ki, bu barədə Prezident Ofisi məlumat yayıb.
“Türkiyə Respublikasında zəlzələ nəticəsində yaranmış fövqəladə vəziyyətin nəticələrinin aradan qaldırılmasına kömək etmək məqsədilə “Humanitar yardım haqqında” Ukrayna Qanununun 10-cu maddəsinə uyğun olaraq, Türkiyəyə humanitar yardım göndərilməsini təsdiq edirəm ”, - deyə sənəddə qeyd olunub.
Fərmana əsasən, Ukrayna Nazirlər Kabineti Türkiyəyə lazımi yardımının verilməsini təmin etməlidir.
Xatırladaq ki, dünən səhər saatlarında
Türkiyə və Suriya güclü zəlzələlərə məruz qalıb.
Leyla SƏMƏNDƏR
Missiya.Az