b_550_325_16777215_00_images_xeber_sekilleri_22fevral2019_1562687605628149616_1000x669.jpg

Nəsimi-650 Diaspor Gənclərinin II Yay Düşərgəsinə start verilib.

Diasporla İş üzrə Dövlət Komitəsindən Missiya.Az-a verilən məlumata görə, əvvəlcə düşərgə iştirakçıları Fəxri xiyabanda ulu öndər Heydər Əliyevin məzarını ziyarət edib, xatirəsini ehtiramla yad ediblər. Sonra gənclər Şəhidlər xiyabanına yollanıb torpaqlarımızın azadlığı uğrunda həlak olan Vətən övladlarının ruhu qarşısında baş əyiblər.

Müqəddəs məkanların ziyarətindən sonra düşərgənin keçiriləcəyi Şamaxı şəhərinə yola düşən diaspor gənclərinin şəhər mərkəzində İmadəddin Nəsiminin heykəli qarşısında təntənəli qarşılanma mərasimi keçirilib. Qarşılanmada milli rəqslər və musiqilər, aşıq musiqisi könülləri oxşayıb.

İyulun 9-da düşərgə iştirakçıları Heydər Əliyevin Şamaxı şəhərindəki abidəsi önünə gül dəstələri qoyduqdan sonra Rayon Mədəniyyət Mərkəzində düşərgənin təntənəli açılışı olub.

Şamaxı Rayon İcra Hakimiyyətinin başçısı Tahir Məmmədov qonaqları salamlayıb və “Nəsimi ili”ndə dünya azərbaycanlılarının qədim Şamaxıda bir araya gəlməsini müsbət hadisə kimi qiymətləndirib.

Diasporla İş üzrə Dövlət Komitəsinin sədri Fuad Muradov çıxışında Diaspor Gənclərinin Yay Düşərgəsinin ikinci ildir ki, təşkil olunduğunu və xaricdə yaşayan onlarla azərbaycanlının məhz bu irimiqyaslı layihə çərçivəsində doğma Vətəninə gəldiyini diqqətə çatdırıb. Komitə sədri düşərgənin mahiyyəti, dövlətin diaspor siyasətində bu layihənin yeri və eyni zamanda, layihənin hədəfləri barədə ətraflı məlumat verib, iştirakçılara uğurlar arzulayıb. O bildirib ki, Diaspor Gənclərinin Yay düşərgələri həm ölkə daxilində, həm də xaricdə yaşayan gənc azərbaycanlılar arasında böyük rəğbət qazanıb.

Açılış mərasimində Gənclər və İdman nazirinin müavini İntiqam Babayev, Azərbaycan Gənclər Fondunun icraçı direktoru Fərid Cəfərov, Azərbaycan Diasporuna Dəstək Fondunun icraçı direktoru Elşad Əliyev, Prezident Administrasiyasının İctimai-siyasi məsələlər şöbəsinin aparıcı məsləhətçisi Natiq Əliyev və başqaları çıxış ediblər. Çıxışlarda düşərgənin Azərbaycan diaspor hərəkatının güclənməsində, yeni nəsil diasporun formalaşmasında, xüsusilə xaricdə yaşayan gənclərin şəbəkələşməsində əvəzsiz rol oynadığı diqqətə çatdırılıb.

Mərasim bədii hissə ilə davam edib. Musiqili proqramda milli musiqilərimiz, estrada mahnıları ifa olunub, Nəsiminin şeirlərinin əyləncəli formada təqdimatı olub.

Qeyd edək ki, II Yay Düşərgəsinin proqramı zəngindir. Proqramda xaricdəki diplomatik nümayəndəliyin rəhbərləri və bəzi xarici ölkələrin Azərbaycandakı səfirləri, eləcə də ictimai xadimlər və media nümayəndələri ilə görüşlər, müxtəlif təlimlər, tarixi yerlərə ekskursiyalar və s. nəzərdə tutulub.

Düşərgə çərçivəsində Dünya Azərbaycanlıları Gənclər Forumunun da keçirilməsi planlaşdırılıb.

Açılış mərasiminin aparıcısı Vəsilə Vahidqızı olub.

Qeyd edək ki, Diaspor Gənclərinin II Yay Düşərgəsi Azərbaycan Diasporuna Dəstək Fondunun təşkilatçılığı, Gənclər və İdman Nazirliyi, Azərbaycan Gənclər Fondunun tərəfdaşlığı ilə keçirilir. Yay Düşərgəsi iyulun 14-də başa çatacaq.

Nəsimi-650 Diaspor Gənclərinin II Yay Düşərgəsinin həyata keçirilməsində Beynəlxalq Bank, “Kapital Bank”, “Sirab” təbii mineral suları və “Paşa Sığorta” şirkəti yaxından iştirak edir.

Açılış mərasimi ziyafətlə başa çatıb.

b_550_325_16777215_00_images_xeber_sekilleri_22fevral2019_15626876054789044712_1000x669.jpgb_550_325_16777215_00_images_xeber_sekilleri_22fevral2019_15626876054827917833_1000x669.jpgb_550_325_16777215_00_images_xeber_sekilleri_22fevral2019_15626876054729459720_1000x669.jpgb_550_325_16777215_00_images_xeber_sekilleri_22fevral2019_15626876054307233360_1000x669.jpgb_550_325_16777215_00_images_xeber_sekilleri_22fevral2019_15626876054047747752_1000x669.jpgb_550_325_16777215_00_images_xeber_sekilleri_22fevral2019_1562687605125440163_1000x669.jpgb_550_325_16777215_00_images_xeber_sekilleri_22fevral2019_15626876052957611851_1000x669.jpg
19 İyul 2019 Almaniyada azərbaycanlı musiqiçilərdən ibarət orkestr yaradılıb
19 İyul 2019 Bakıda inanılmaz hadisə: dənizdə boğulub "ölən" gənc ayıldı
19 İyul 2019 “FaceApp” haqqında yayılan iddialara cavab verdi
19 İyul 2019 Bakıda bu şəxslər 500 manat cərimələnəcək - Polisdən XƏBƏRDARLIQ
17 İyul 2019 Çempionlar Liqası: “Qarabağ” növbəti mərhələyə vəsiqə qazandı
17 İyul 2019 Baş prokurorluq Elinanın ölümü ilə bağlı açıqlama yaydı
17 İyul 2019 Bakıda bu məktəblər söküləcək
16 İyul 2019 Şəki Xan Sarayındakı qəzada ölən müəllimə - FOTO
16 İyul 2019 Bakı metrosunda siqaret çəkən şəxs saxlanıldı - VİDEO
16 İyul 2019 Sabirabad bazarındakı dəhşətli yanğının təfərrüatı
15 İyul 2019 Şəki Xan Sarayında yaralananlardan biri vəfat etdi
15 İyul 2019 “Azərbaycanda yaşayan xalqları yaxından tanıyaq” - VİDEO
14 İyul 2019 Budağı qırılan Xan çinarın tarixi - Gövdəsi 7.3, hündürlüyü 34 metr...
12 İyul 2019 "Heydər Əliyevin hakimiyyətə gəlməsi ilə Azərbaycanda intibah mərhələsi başladı" - Ramin Əhmədov
12 İyul 2019 Masallıda baş verən dəhşətli qəzanın tükürpərdici məqamları - VİDEO
11 İyul 2019 Mehriban Əliyeva Yalçın Rzazadə ilə bağlı tapşırıq verdi
11 İyul 2019 Prezident Rəsulzadənin nəvəsini təltif etdi
10 İyul 2019 İstanbuldan Bakıya gələn avtobus qəzaya düşdü
10 İyul 2019 “Pişik sıçanla oynayır və hər an udmağa hazırdır” - Saakaşvili
10 İyul 2019 Mərkəzi Gömrük Hospitalının əməkdaşları Türkiyədə təkmilləşdirmə kursu keçir