Missiya.Az APA-ya istinadən xəbər verir ki, bu barədə Macarıstanın xarici işlər və xarici iqtisadi əlaqələr naziri Peter Siyarto deyib.

Onun sözlərinə görə bu, Ukrayna münaqişəsi və Rusiyaya qarşı sanksiyalar fonunda Avropada yaranmış enerji böhranından çıxmağa kömək edə bilər.

Siyarto qeyd edib ki, Macarıstan türkmən qazını "Avropada enerji böhranının mümkün həlli yollarından biri kimi" hesab edir.

Onun sözlərinə görə, Türkmənistan əhəmiyyətli təbii qaz ehtiyatlarına malikdir.

"Türkmənistan qazını Avropaya çatdırmaq üçün hələlik heç bir yol yoxdur. Mavi yanacağın Macarıstanın enerji balansına daxil edilməsinə imkan verəcək infrastrukturun qurulmasında son dərəcə maraqlıyıq", - deyə nazir bildirib.

Türkmənistandan Trans-Anadolu qaz kəməri ilə Avropaya qaz nəqli məsələsi artıq bu ölkə tərəfindən Türkiyə və Azərbaycanla müzakirə olunub.

Bu imkanın daha da öyrənilməsi üçün üçtərəfli memorandum imzalanıb.