"Mən Əbu-Dabidəki görüşdən razıyam, müsbət qiymətləndirirəm". 

Missiya.Az xəbər verir ki, bunu Ermənistanın Baş naziri Nikol Paşinyan mətbuat konfransında Azərbaycan Prezidenti İlham Əliyev ilə 5 saatdan çox davam edən görüşü şərh edərkən deyib. 

Paşinyan qeyd edib ki, Əbu-Dabi tərəflərin danışıqlar barədə əvvəlcədən razılığa gəldikləri ilk görüş oldu.

Görüşün Əbu-Dabidə keçiriləcəyinə kimin və nə üçün qərar verdiyini soruşduqda, Baş nazir belə cavab verib:

"Əvvəllər - həm telefon danışığı zamanı, həm də konkret olaraq bu məsələ ilə bağlı - BƏƏ prezidentinin nümayəndəsi gəlib, o, ölkə başçısının mesajını çatdırıb ki, əgər məkana ehtiyac olarsa, onlar vasitəçi olduqlarını iddia etmədən hər şeyi təşkil edəcəklər. Birləşmiş Ərəb Əmirliklərinin Prezidentinə dəstəyinə görə təşəkkür etmək istəyirəm". 

Paşinyan əlavə edib ki, Əbu-Dabidə müsbət nəticələrə gətirib çıxara biləcək söhbət oldu. Konkret nəyi indi demək düzgün deyil. Razılaşma, müəyyən qarşılıqlı anlaşma var idi ki, biz bu formatda dialoqumuzu davam etdirəcəyik”. 

Nurlana Əhmədova
Missiya.Az