AZ   |   RU
Türkiyə parlamentinə yeni sədr seçiləcək


Bu gün Türkiyə Böyük Millət Məclisinin yeni sədri seçiləcək.

Missiya.Az 
xarici mediaya istinadən xəbər verir ki, parlamentin Baş Assambleyası yerli vaxtla saat 14:00-da toplanacaq.

Bildirilib ki, yeni spikerin müəyyən edilməsi üçün deputatlar arasında gizli səsvermə keçiriləcək.

İlk iki turda namizədlərdən birinin seçilə bilməsi üçün 400 deputatın səsi tələb olunacaq. Əgər 400 səs toplanmazsa, səsvermənin üçüncü turu keçiriləcək. Bu turda parlamentin sədri seçilmək üçün 301 səs kifayət edəcək. Seçki dördüncü tura keçərsə, ən çox səs toplayan namizəd sədr seçiləcək.

Qeyd edək ki, hakim Ədalət və İnkişaf Partiyası və Milliyyətçi Hərəkat Partiyası bu posta Numan Kurtulmuş, Cümhuriyyət Xalq Partiyası Tekin Bingöl, İyi Partiya isə Cihan Paçacının namizədliyini irəli sürüb.

Zərintac Mayisqızı
Missiya.Az




  • 7-06-2023, 10:11