İran parlamenti sədrinin müşaviri Mehdi Məhəmmədi “X” sosial şəbəkəsində bildirib ki, İran Fordodakı nüvə obyektinə hücumu gözləyirdi, ona görə də oranı əvvəlcədən boşaldıb və obyektə geri dönməz ziyan dəyməyib.

Missiya.Az xarici mediaya istinadən xəbər verir ki, İran rəsmisi təəccüblü heç nə baş vermədiyini qeyd edib.

"İran bir neçə gündür ki, Fordoya zərbələr gözləyirdi. Bu nüvə obyekti boşaldılıb və bugünkü hücum zamanı heç bir geri qaytarıla bilməyəcək ziyan dəyməyib", - Məhəmmədi öz səhifəsində yazıb.

Bundan əvvəl ABŞ Prezidenti Donald Tramp Amerika ordusunun Natanz, Fordo və İsfahanda İranın üç nüvə obyektinə qarşı uğurlu əməliyyat keçirdiyini açıqlamışdı. Prezident deyib ki, ABŞ-nin zərbələrindən sonra Tehran “bu müharibəyə son qoymağa” razılıq verməlidir. Fars xəbər agentliyi İran rəsmilərinə istinadən xəbər verir ki, İranın İsfahan və Fordo şəhərlərindəki nüvə obyektləri hava zərbələrinə məruz qalıb. İranın Məqsədliliyi müəyyənetmə Şurasının üzvü Möhsün Rezai daha əvvəl demişdi ki, İran bütün “zənginləşdirilmiş nüvə materiallarını” təhlükəsiz yerə köçürüb.

Elcan

Missiya.Az