Bir sıra regional məsələlərdə Ermənistan və Türkiyənin mövqeləri kifayət qədər yaxındır. Bu, tez-tez baş vermir, amma indi o da nəzərə çarpır ki, beynəlxalq gündəmdəki bir sıra məsələlərlə bağlı kifayət qədər oxşar təsəvvürlərimiz var və bu da öz təsirini göstərən amildir.

Missiya.Az erməni mediasına istinadən xəbər verir ki,  bunu Ermənistanın baş naziri Nikol Paşinyan Ərdoğanla görüşdən əvvəl Türkiyənin erməni icması ilə görüşündə deyib.

Paşinyan qeyd edib ki, Türkiyə ilə Azərbaycan arasında sıx əməkdaşlıq və dərin münasibətlər heç kimə sirr deyil.

“Biz bu əlaqələri bilirik, bu münasibətlərin yaxınlığını bilirik, lakin biz ayırıcı xətlər istəmirik, əksinə, bölgədə sabit və davamlı sülhün bərqərar olmasını istəyirik, bu kontekstdə Türkiyə ilə dialoqumuza böyük əhəmiyyət verirəm"

Ermənistan və Azərbaycan arasında sülh sazişi və sülh gündəminin sonrakı gedişatı ilə bağlı yanaşmalarımızı şəxsən Türkiyə Prezidenti ilə bölüşməyi vacib hesab edirəm. Aydındır ki, Ermənistan-Türkiyə münasibətlərinin keyfiyyəti bütövlükdə regiondakı vəziyyətə təsir etməyə bilməz”, - Paşinyan əlavə edib.

Elcan
Missiya.Az