Türkiyə Suriyada Bəşər Əsəd rejiminin devrilməsi və şəriət hökumətinin dəyişdirilməsində təsirli oldu. ABŞ və Rusiyaya baxmayaraq Ankara bölgədə gedən proseslərə təsir göstərərək ipləri əlində saxlayıb və Yaxın Şərqdə söz sahibinə çevrilib.

Missiya.Az xəbər verir ki, bu barədə Yunanıstan mətbuatı yazı dərc edib.

Bildirilib ki, Səudiyyə Ərəbistanında Suriya Ərəb Respublikasının keçid dövrü Prezidenti Əhməd Əş-Şara ilə ABŞ dövlət başçısı arasında baş tutan görüş və Vaşinqtonun Suriyaya tətbiq etdiyi sanksiyaların götürülməsi Ankara hökumətinin uğurunun nəticəsidir. 

Yazıda Türkiyə Prezidenti Rəcəb Tayyib Ərdoğanın Tramp vəzifəyə gəldiyi gündən Suriyaya qarşı sanksiyaların ləğvi ilə bağlı Ağ Ev rəhbəri ilə diplomatiya apardığı və bunun Türkiyə üçün böyük uğur olduğu vurğulanıb.

Qeyd olunub ki, Türkiyə Suriyanın gələcək kursunun formalaşmasında bir çox cəbhədə sürətlə irəliləyir, eyni zamanda ölkədə iqtisadi layihələr həyata keçirir və Suriyaya investisiyaların artırılmasında liderlik edir.

Daşqın Həsənov
Missiya.Az