Hollivud ulduzu Jan-Klod Van Damm Rusiyaya səfər etmək istədiyini açıqlayıb. O bildirib ki, Rusiyaya “sülh səfiri” kimi getmək istəyir. O bu istəyini Rusiya Prezidenti Vladimir Putinə videomüraciətində dilə gətirib.

Missiya.Az Rusiya mediasına istinadən xəbər verir ki, aktyor müraciətində Putinlə  “sülh, idman və xoşbəxtlik” mövzusunu müzakirə etmək istədiyini də dilə gətirib.

Van Damm 2010-cu ildə Soçidə Rusiya Prezidenti ilə görüşündən də danışıb. Aktyorun sözlərinə görə, gəzinti zamanı təsadüfən çəkməsi ilə Putinin çəkməsinə toxunub. Bundan sonra Putin cavab olaraq bu hərəkəti təkrarlayıb. 

 O, çıxışının sonunda Rusiya Prezidentinə təşəkkür edib və Rusiyaya öpüş göndərib. 

Xatırladaq ki, aprelin əvvəlində Rumıniyada Van Damm azyaşlılar da daxil olmaqla insan alverində iştirakda ittiham olunub. Bloodsport ulduzunun təxminən 10 il əvvəl cinsi köləlikdə olan beş azyaşlı qızla intim münasibətdə olduğu iddia edilir.

Elcan
Missiya.Az