Hazırda ölkəmizdə əlverişsiz, leysan xarakterli yağışlı hava şəraiti hökm sürür. Görəsən, kəskin hava nə vaxta kimi davam edəcək?

Milli Hidrometeorologiya Xidmətinin rəis müavini Gülnarə Abbasova Missiya.Az-a açıqlamasında deyib ki, aprelin 15-dən 16-a keçən gecədən başlayaraq, Bakı şəhəri və Abşeron Yarımadasında müşahidə olunan leysan xarakterli yağışın günün birinci yarısınadək Yarımadanın bəzi yerlərində güclənəcəyi gözlənilir, şimşək çaxacağı ehtimalı var:

“İntensiv və güclü yağışla əlaqədar Abşeron Yarımadasının bəzi ərazilərində subasma halları da istisna edilmir. Aprelin 17-si səhər yağıntının nisbətən kəsiləcəyi gözlənilir. Bölgələrdə də yağıntıların intensivləşəcəyi, aramsız olacağı proqnozlaşdırılır. Dağlıq ərazilərdə fasilələrlə intensiv qar yağacaq. Əlverişsiz hava şəraiti Qərb rayonlarında aprelin 17-si gecəyədək, Şərq rayonlarında isə səhər saatlarınadək hökm sürəcək. Ölkənin əksər yerli çaylarında yüksək sululuğun davam edəcəyi, əsasən dağ çaylarından sel və daşqın keçəcəyi ehtimlı var”.

Zərintac Mayisqızı
Missiya.Az