Ukrayna Prezidenti Vladimir Zelenski bu gün Amerika lideri Donald Trampla danışacaq. 

Missiya.Az “RBC Ukrayna”ya istinadən xəbər verir ki, bu barədə məlumatı Zelenski Finlandiya Prezidenti Aleksandr Stubb ilə birgə mətbuat konfransında açıqlayıb.

 Ukrayna lideri bildirib ki, bu gün Prezident Trampla təmasda olacağam. Düşünürəm ki, biz onunla gələcək addımların təfərrüatlarını müzakirə edəcəyik. Hesab edirəm ki, komandalarımız arasında həqiqətən yaxşı görüş olub. 

O qeyd edib ki, Trampdan Rusiyanın Ukraynaya qarşı müharibəsinin həlli üçün növbəti addımların təfərrüatlarını dinləyəcək.

Xatırladaq ki, dünən Tramp Rusiya Prezidenti Vladimir Putinlə danışıb.

Nurlana Əhmədova
Missiya.Az