Gələcək proseslərdə Ermənistanı hər şeyi məhv etmiş bu adamlar (indiki hakimiyyət – red.) təmsil etməməsi ən yaxşı variantdır ki, bu halda ölkə özünü yeni dünya düzənində layiqincə ifadə edə biləcək. 

Missiya.Az erməni mediasına istinadən xəbər verir ki, bu barədə fevralın 17-də Ermənistanın ikinci prezidenti Robert Köçəryan mətbuat konfransında bildirib.

Köçəryan proseslərə “qara” və “ağ” kimi baxmamağa çağırıb. Onun sözlərinə görə, ABŞ Prezidenti Tramp Rusiyanın G8-ə qayıtmalı olduğunu deyirsə, bu, Ermənistan üçün də xarici siyasətdə yeni imkanların açılması deməkdir. 

“Qərbin və ya başqasının cibinə girmək cəlbedici deyil. Ermənistan Rusiya ilə düzgün siyasət apara, Qərblə düşmənçiliyə getməyə bilər, lakin hakimiyyət artıq müəyyən səviyyədə Rusiya ilə düşmənçiliyə meyillənib. Bu pis davranışın bir ölkə olaraq Rusiyaya da yayılması üçün hər şeyi etdilər. Ermənistanda Rusiyaya münasibət yaxşı deyil. Niyə? Çünki biz səhvlərə yol verdik və bu səhvləri Rusiyanın üzərinə atmağa çalışdı, və bu,  izsiz qalmayacaq”, - deyə Robert Köçəryan yekunlaşdırıb.

Elcan
Missiya.Az