“Azərbaycan Hava Yolları”na məxsus sərnişin təyyarəsinin Aktau şəhəri yaxınlığında qəzaya uğraması ilə bağlı araşdırmalar yekunlaşana qədər Kreml heç bir qiymət verməyəcək”.

Missiya.Az “TASS”a istinadən xəbər verir ki, bu barədə Rusiya prezidentinin sözçüsü Dmitri Peskov məlumat verib.

Peskov Bakının Rusiyanın hava hücumundan müdafiə qüvvələrinin təyyarəni vurmasına görə üzr istəməsi ilə bağlı bəyanatlarını gördüyünü, lakin qəzanın səbəbləri ilə bağlı araşdırmalar tamamlana qədər bu vəziyyəti şərh etmədiyini bildirib.

“Əlbəttə bunu görmüşük. Amma bir daha təkrar edirəm, dediklərimə əlavə edəcəyim heçnə yoxdur. Hazırda bu aviasiya hadisəsi ilə bağlı təhqiqat aparılır və araşdırmadan nəticə çıxarılana qədər bizim heç bir qiymətləndirmə aparmağa haqqımız yoxdur və bunu da etməyəcəyik”, - deyə siyasətçi vurğulayıb.

Daşqın Həsənov
Missiya.Az