Cənubi Koreyada müxalifət qüvvələri dekabrın 3-də ölkədə hərbi vəziyyətin tətbiqinə qərar verən prezident Yoon Seok-yeolun impiçmenti üçün yenidən səsvermənin keçirilməsini tələb edir. Dekabrın 7-də keçirilən son səsvermə uğursuz oldu.

Missiya.Az "Reuters"ə istinadən xəbər verir ki, Demokrat Partiyasının lideri Li Zhe-menq impiçmentin 6 saatlıq hərbi vəziyyətdən sonra pozulmuş ölkənin konstitusiya quruluşunu bərpa etmək üçün “ən təsirli yol” olduğunu deyib.

O, əvvəllər “sona qədər mübarizə aparacağını” vəd edən prezidentin sözlərini “xalqa qarşı müharibə” elanı adlandırıb. Parlamentdə çoxluğa malik olan müxalifət partiyaları ikinci dəfə impiçment prosesinin təşəbbüskarı olub.

Qeyd olunur ki, onun təsdiqi üçün hakim Xalq GüRcü Partiyasının ən azı 8 üzvünün dəstəyi lazımdır. Qərar qəbul edilərsə, iş 6 ay ərzində prezidentin gələcək taleyini həll edəcək Konstitusiya Məhkəməsinə veriləcək . Yoon Şimali Koreyanın keçən il Milli Seçki Komissiyasına edilən haker hücumunda əli ola biləcəyi iddialarına görə də tənqid atəşinə tutulub, lakin o, heç bir sübut təqdim etməyib.

Zərintac Mayisqızı
Missiya.Az