Araşdırmalara görə, gündə ən azı 400 q tərəvəz və meyvə yemək vərdişi infarkt, insult, bədən çəkisinin və xolesterin səviyyəsinin artması, xərçəng, şəkərli diabetin (zülal mübadiləsi) inkişafı riskini azaldır.

Mütəxəssislər deyir ki, bir yetkinin gündə 800-1000 q tərəvəz və meyvə istehlak etməsi lazımdır. Həmin miqdarın həddindən artıq azalması, tərəvəz və meyvələrdən imtina sağlamlığa mənfi təsir göstərir, artıq çəkidən qurtulmağa mane olur və insan səhhətini pisləşdirir.

Ardıcıllıq belə tənzim edilməlidir - 1. Hər gün nişastasız 400 q tərəvəz yemək vacibdir. Bunlar kələm, yerkökü, çuğundur, pomidor, xiyar, soğan, balqabaqdır. 2. 250 q kartof olmalıdır. Qalan 280 q meyvələrdir. Üstəlik, bunların şəkərsiz alma və sitrus meyvələri olması arzu ediləndir.

Banan, şaftalı, manqo və böyük miqdarda digər şirin meyvələr bədəndə fruktoza miqdarını artıran sürətli karbohidratlardır. Tərəvəz və meyvələrin orta miqdarı uşaqlar üçün fərqli müəyyənləşdirilib. Məsələn, bir yaşdan üç yaşa qədər uşaqlar üçün 100 q tərəvəz və meyvə, 4-10 yaşlı uşaqlar üçün - təxminən 200 q, 11-17 yaşlı uşaqlar üçün - təxminən 250 q kifayətdir.

Sağlamlığımız demək olar ki, öz əlimizdədir. Nə qədər düzgün qidalansaq, bir o qədər də uzun ömür sürərik.


Zərintac Mayisqızı
Missiya.Az