Tesla şirkətinin sahibi, milyarder İlon Mask Çeçenistan rəhbəri Ramzan Kadırova “Cybertruck” avtomobili hədiyyə etməyib.

 Missiya.Az Rusiya mediasına istinadən xəbər verir ki, bu barədə Kadırovun özü açıqlama verib və milyarderin ona avtomobil hədiyyə etməsi barədə yalan danışdığını etiraf edib.

“Əslində, mən İlon Maskın özü ilə maraqlanıram. Onun xarakterini, həyat tərzini, davranışını, həyatdakı mövqeyini bəyənirəm. Sosial media vasitəsilə onunla zarafatlaşmağı sevirəm”, - deyə Kadırov bildirib. 

Onun sözlərinə görə, Cybertruck müharibəyə yararsızdır, bu məqsədlər üçün UAZ Patriot daha uyğundur. Çeçenistan rəhbəri İlon Maskdan üzr də istəyib. 

Xatırladaq ki, bu ilin avqustunda Çeçenistan rəhbəri bəyan etmişdi ki, Mask ona Cybertruck verib. Çeçenistan rəhbərinin teleqram kanalında yerləşdirdiyi videoda o, Qroznı küçələrində elektromobillə hərəkət etdiyi görüntülənirdi. Avtomobilin yük yerində pulemyot quraşdırılmışdı və bildirilmişdi ki, avtomobil cəbhəyə göndərilib. 

Elcan
Missiya.Az