“Gürcüstanın xarici siyasətinin prioriteti Avropa İttifaqına (Aİ) inteqrasiyadır”.

Missiya.Az xəbər verir ki, bunu Gürcüstanın baş naziri İrakli Kabaxidze hökumətin iclasında deyib.

“Hökumət proqramımıza əsasən, 2028-ci ilə qədər Gürcüstan Avropa İttifaqı ilə birləşmək və azad ticarətlə bağlı öhdəliklərinin 90%-dən çoxunu yerinə yetirməlidir və bu öhdəliklər mütləq yerinə yetiriləcək”, - deyə siyasətçi vurğulayıb.

Kobaxidze Gürcüstanın Avropa İttifaqı və ABŞ ilə əlaqələrinin bərpa olunacağına ümid etdiyini də bəyan edib:

“Biz ümid edirik ki, həm ABŞ, həm də Avropa İttifaqı ilə münasibətlər keyfiyyətcə yenilənəcək”, - deyə siyasətçi əlavə edib.

Onun sözlərinə görə, son dörd ildə Aİ və ABŞ ilə münasibətlərdə ciddi problemlər yaranıb ki, bunda Gürcüstanın heç bir günahı yoxdur. 

“Gürcüstanın Avropaya inteqrasiya yolunda süni maneələr yaradılıb. Bu, ciddi və kobud şantaj idi. Bu, bizim şantaj qarşısında mövqeyimizdir və bu mövqe ilə Gürcüstanın Avropa İttifaqına tam inteqrasiyası deyilən istiqamətdə yolumuzu davam etdirməliyik”, - deyə Kobaxidze bildirib.

Daşqın Həsənov
Missiya.Az