Sizdə də bu baş verir? - Yataqda bir sağa, bir sola fırlanırıq yenə də yuxumuz gəlmir. Nə qədər gözlərimizi yumsaq da alınmır ki, alınmır. Bəzilərində həmin hadisə az-az müşahidə edilsə də çox insan bu problemdən tez-tez şikayətlənir.

Araşdırmalara görə yetkin şəxslərin 50 faizi yuxusuzluqdan, klinik hallara görə, hər 10 nəfərdən 1-i xroniki yuxusuzluqdan əziyyət çəkir.

Bəs yata bilməyəndə nə etməliyik?

Mütəxəssislər 4-7-8 nəfəs alma metodunun sözügedən problemin qarşısını almaq üçün effektiv olduğunu deyir. Belə ki, 4-ə qədər sayaraq yavaşca nəfəs alın, 7-yə kimi sayaraq nəfəsinizi tutun və 8-ə qədər sayıb nəfəsi yavaşca verin. Bu üsul ürək döyüntüsünün sürətini azaldır. Çünki yata bilmiriksə demək ki, həmin anda ürəyimizin döyüntüsü yüksəkdir.

Zərintac Mayisqızı
Missiya.Az